હ્રદયને રસ્તે હું જન્મ્યો હતો,ખબર છે તને ?
રુદનને બદલે હું મલક્યો હતો,ખબર છે તને ?
હું તારી લટને કિનારે જ આવીને અટક્યો
ક્ષિતિજના ઢાળથી લપસ્યો હતો,ખબર છે તને ?
બિચારા ઇવ કે આદમને કંઇ ખબર નહોતી
પ્રણય મેં શીખવ્યો હતો,ખબર છે તને ?
એ વર્ષોમા તો રચાઇ નહોતી ભાષા છતા,
હું બૂમ પાડીને બોલ્યો હતો,ખબર છે તને ?
સમયની શોધ થઈ તેની આગલી સાંજે
મે ઇંતેજારને શોધ્યો હતો,ખબર છે તને ?
No comments:
Post a Comment